- Maamkizi, utweshi au maamkio hutumika katika kutakiana heri au kujuliana hali.
- Hutegemea nyakati tofauti, umri wa waamkianao na mafungamano kati ya wanaoamkiana.
- Kinyume cha maamkizi ni maagano yaani, maneno wanayoambiana watu wanapoagana.

Maamkizi au Maagano	Jibu	Wakati
Hujambo?	Sijambo	Wowote
Shikamoo?	Marahaba	Wowote
Sabalkheri?	Alheri	Asubuhi
Masalkheri?	Alheri	Jioni
Chewa	Chewa	Asubuhi
Buriani	Buriani dawa	Wowote
Alamsiki	Binuru	Usiku
Kwaheri ya kuonana	Mungu akipenda	Wowote
Waambaje?	Sina la kuamba	Wowote
Lala unono	Nawe pia	Usiku

- Baadhi ya maneno yanayotumika kuonyesha adabu ni kama vile:

Adabu/staha	Wakati
Samahani, kumradhi na kunradhi	Hutumika kuomba radhi au kumtafadhalisha mtu akupishe au akusikilize.
Simile, habedari! na heria!	Hutumika na mtu anayeomba nafasi apite au kutahadharisha.
Tafadhali	Hutumika kumsihi mtu atende jambo kwa fadhila zake.
Mstahiki	Ni neno linalotangulia jina la mtu mwenye mamlaka na aliye na haki ya kuheshimiwa.
Marehemu au hayati	Ni jina linalotajwa kabla ya jina la mtu aliyefariki na aliyekuwa mwadilifu.
Muadhama, mwadhamu au muhtaramu	Ni jina la heshima aitwalo mheshimiwa
Siti	Ni jina la heshima lamwanamke linalotangulia kabla ya jina lake hasa
Kutabawali	Ni neno la heshima linalomaanisha kwenda haja ndogo, kukojoa.